BOOKCROSSING
schedir (ovvero) la storia de “ll Paziente Inglese” 

Mia ameda la me à contà da na trasmiscion a la radio olache i rejona di libres e ence de na roba che l’à inom “Passalibro”. 

Curiousa descheche son gè, son jita a veder su la piata Internet de Radio Rai3 che roba che l’é e l’é stat coscita che son vegnuda a saer del Bookcrossing. 

E de jené m’é inscinuà te chesta gran comunanza che la é nasciuda acà 2 egn da n’idea de n american. Ades l’é beleche più che 60.000 membres te dut l mond. La Tèlia la é al terz post con 7.000 persones.

L Bookcrossing l’é n projet mondièl per slarièr fora la pascion per i libres te anter la jent, dut a gratis.
Per tor pèrt a chest projet se aur la piata Internet www.bookcrossing.com, scrita per engleis, e se se inscinua con n sorainom. 

Dapò se pel inscinuèr duc i libres che se vel. Se fèsc coscita desche na picola biblioteca personèla olache ogne liber à n so numer che l lo desferenzia dai etres col medemo tiotl. Coscì se zachei trova n liber con chest stema e l va su Internet l pel saer da olche el vegn e duta sia istoria. 

Scì, perché i corsari (coscì l’à inoma la persones de chesta comunanza) i lascia stroz i libres, i li mola fora perché i peissa che sie pecià che i reste a fèr polver su na scancìa e fossa miec i fèr cognoser ence a de autra jent. 

 
Descheche Daniel Pennac à scrit te so liber “Desche n romanz”: “Se n liber no l t’à piajù, lascel stroz. Se l t’à piajù, làscel stroz per l fèr lejer a zachei de etres. Se l t’à piajù coscì tant, comprelo amò”.

Se te peisses, l’è na roba romantica lascèr stroz n liber che l t’a piajù per l fèr lejer ai etres. Te ge fès n picol don, n piajer.

Però chest no l’é la soula maniera de i molèr fora. Se pel ence i dèr te man a n amich o i manèr per posta. Te chesta maniera n liber no l’é più demò to, ma l vegn a tor sù n mingol te duta la persones che l scontra dò strèda. L’é n liber che conta la istoria che l porta sun sia piates e enca la storia de so viac e de la persones che l l’à troà.

Se con però dir che de duc i libres lascé stroz demò l 15% vegn segnà sul sito.

Gè é librà 4 libres e demò de un sé che l’é stat troà da na beza (ELI3). 

L’é molà te n’enoteca jà Trent e canche son jita fora, é vardà ite che che sozedea. 

Cree che chesta ELI3 sia la chelera, ma no son segura. A ogne modo l’é stat bel e son stata proprio contenta de saer che zachèi l l’à ciapà. Ence dei etres, son contenta ence se no sé olache i é. Ma spere che i sie te cèsa de zachèi che i li lec. La roba più burta che l’é per n corsaro l’é vegnir a saer che i libres i è stac peté o embujé te cèvena o te un de chi ofizies de la roba perdudes.

5 libres i é manè per posta a na beza de Firenze che l’à pissà ben de n lascèr 1 te n pub te la zità e 1 auter de l manèr a la pruma scontrèda nazionéla a Roma. 

Ló l’é stat tout su da na beza de Napoli. 

Ma te peisses: l’é n mi liber a Napoli!

Per chi, desche ge, che i é n mingol fora de anter (fossa a dir che i é da lenc da duc), l’é n forum per talian olache se pel se cognoscer e domanèr dut chel che se vel sui libres: pareres, che che se doura per tegnir l segn, colun che l’é l 
personaje che pièsc de più e se zachei à n liber da dèr a d’imprest.

I à ence enventà i Bookring che fossa: zachèi à n liber che vel fèr cognoser ence ai etres ma no l lo vel molèr. 

Coscita l’endreza n anel: l mana l liber a zachèi che l lo lec e l lo mana a n’autra persona. E coscì fin can che no l ge rua de retorn con n muie de stories ensema e magari ence velch cartolina di posc’ olache l’é stat.

Sia che tu te troes n liber o che i te lo mana, te lejes zeche che magari no te pissèes. Gé con chisc anìe é let n liber de Calvino, che no aesse MAI comprà e l m’à sapù n muie bel. E ades son dò che spete n liber sui deric dei omegn e ence n liber per engleis che pèrt da la Germania e che l farà l giro del mond.

E dapò l’è la scontrèdes! Perché ogne tant chisc corsari i se troa zaonder a ciacolèr e a se passèr i libres. Proprio ai 25 de oril l’é stat la pruma scontrèda nazionèla a Roma. I à fat n gran marendel te n pra, i à ciantà, i à jià e i à portà n muie de libres.

Pecià che te noscia Rejon i corsari no i é muie, anzi no i é! Però fosc se endreza via na scontrèda a Verona olache posse jir ence gé.

Tel forum è cognosciù chesta beza da Firenze (Solimano) che la è enamorada de la Dolomites e la vegn chiossù dute la istà. 

Ge pièsc n muie l’idea che n so liber ruassa ai piesc de la Marmolèda dant de ela e alora la m’à manà sù “Il paziente inglese” percheche l ciape n mingol de chesta aria bona e frescia.

Gé l’é let, l m’à piajù (cogne dire che no l’aessa mai comprà perché pissee fossa demò na storia de amor) e é pissà de l lascèr stroz chiò te chesta bela val, coche volea Solimano. 

Magari troèe n nef corsaro. E m’é pissà che no l’era n post mior del cors de Ladin, olache l’è n muie de jogn che de segur i cognosc Internet. Coscita chel liber l’é rua su la scèles de l Comprenjorie.

E per chi che no sà l’engleis, l’é na piata Internet www.rinaldiweb.it/eurobc/it  en talian con duta la spiegazions.

A mi chesta scomenziadiva la m’à piajù percheche é cognosciù jent neva da duta la Tèlia. È scomenzà indò a lejer che l’era n trat che no l fajee più. No l’é nia da paèr, non l’é desche na seta religiousa, l’é demò na roba che se fèsc per pascion, per amor di libres.

E dapò canche te ves lascèr n liber l’é emozionant perché te peisses olà l lascèr. Pel esser n post normal, o n post olache te ves de spes, olache te pièsc, o n post che à a che fèr col liber. 

L’é enfin dei posc’ te la Tèlia, bares, na boteiga dal pan, na petenatrice, vèlch majon di libres, na galeria de fotografies che lascia na scancìa aposta per chi che vel lascèr i libres: i Posc’ ofiziali de Bookcrossing.
  

Ah, me desmentièe! E’ fat saer tel forum che endrezèe chesta piata sul Bookcrossing per fascian e i m’à proponet che se la vegn belota e simpatica i la met su Internet!!!!


N gros develpai a duc.

Vivèna1975

Mia zia mi ha parlato di una trasmissione alla radio che tratta di libri ed in particolare di “Passalibro”. 

Dato che sono molto curiosa, sono andata a vedere sul sito Internet di Radio Rai3 di cosa si tratta ed è stato così che sono venuta a conoscenza del Bookcrossing. 

A gennaio mi sono iscritta in questa grande comunità che è nata due anni fa dall’idea di un americano. Adesso ci sono più di 60.000 membri in tutto il mondo. L’Italia è al terzo posto con 7.000 persone.

Il Bookcrossing è un progetto mondiale per diffondere la passione per i libri tra la gente, gratuitamente.
Per partecipare si va alla pagine Internet www.bookcrossing.com, scritta in inglese, e ci si iscrive con un soprannome.

Poi si possono inserire tutti i libri che si vuole. Si forma così una specie di piccola biblioteca personale dove ogni libro ha un suo numero che lo distingue dagli altri con lo stesso titolo. Così se qualcuno trova un libro con questa etichetta e va su Internet può sapere da dove viene e tutta la sua storia.

Sì, perché i corsari (così si chiamano le persone di questa comunità) lasciano i libri in giro, li liberano perché pensano che sia un peccato che rimangano a far polvere su una mensola e che sia meglio farli conoscere anche ad altre persone.

Come ha scritto Daniel Pennac nel suo libro “Come un romanzo”: “ Se un libro non ti è piaciuto, lascialo libero. Se ti è piaciuto, lasciato libero per farlo leggere a qualcun altro. Se ti è piaciuto così tanto, ricompralo”.

Se ci pensi, è una cosa romantica lasciare in giro un libro che ti è piaciuto per farlo leggere ad altri. Gli fai un piccolo regalo, un piacere.

Questo non è però il solo modo di liberarli. Si possono anche consegnare ad un amico o spedirli per posta. In questo modo un libro non è più solo tuo, ma raccoglie qualcosa da tutte le persone che incontra lungo la sua strada. E’ un libro che narra la storia che sta scritta sulle sue pagine e anche la storia del suo viaggio e delle persone che l’hanno trovato.

Bisogna dire che di tutti i libri liberati solamente il 15% viene segnalato.

Io ho liberato 4 libri e solamente di uno so che è stato trovato da una ragazza (ELI3). 

L’ho lasciato in un’enoteca di Trento e mentre uscivo, ho osservato quello che succedeva.

Credo che ELI3 sia la cameriera, ma non sono sicura. Ad ogni modo è stato bello e sono stata proprio contenta di sapere che qualcuno l’ha trovato. Anche per gli altri sono contenta anche se non so dove sono. Ma spero che siano in casa di qualcuno che li legge. La cosa più brutta per un corsaro è venire a sapere che i libri sono stati buttati o “imboscati” in cantina o in un ufficio oggetti smarriti.

5 libri li ho spediti ad una ragazza di Firenze che ne ha lasciato uno in un pub in città e un altro l’ha mandato al primo meet-up nazionale a Roma. 

Lì è stato preso da una ragazza di Napoli. 

Ma ci pensate: c’è un mio libro a Napoli!

Per chi, come me, abita un po’ fuori mano (cioè lontano da tutti), c’è un forum in italiano dove si possono conoscere persone e chiedere tutto quello che si vuole sui libri, opinioni, cosa si usa per tenere il segno, il personaggio preferito e se qualcuno può prestare un libro.

Hanno anche inventato i Bookring: qualcuno ha un libro che vuol far conoscere anche agli altri senza liberarlo. 

Così organizza un anello: manda il libro a qualcuno che lo legge e lo manda ad un’altra persona. Così finché non torna dal proprietario assieme a molte altre storie e magari anche con qualche cartolina dei posti dove è stato.

Sia che tu trovi un libro o che te lo spediscano, leggi qualcosa che magari non pensavi. Io, attraverso questi anelli ho letto un libro di Calvino, che non avrei MAI comperato e i è piaciuto molto. E adesso sto aspettando un libro sui diritti umani e anche un libro in inglese che parte dalla Germania e farà il giro del mondo.

E poi ci sono anche gli incontri! Perché ogni tanto i corsari si trovane da qualche parte a chiacchierare e scambiarsi libri. Il 25 di aprile è stato organizzato il primo incontro nazionale a Roma. Hanno fatto merenda su un prato, hanno cantato, hanno giocato e portato molti libri.

Peccato che nella nostra Regione i corsari non sono molto, anzi non ce ne sono! Però forse organizzano un incontro a Verona dove anch’io posso andare.

Nel forum ho conosciuto una ragazza di Firenze (Solimano) che è innamorata delle Dolomiti e che viene quassù tutte le estati. 

Le piace molto l’idea che un suo libro arrivi ai piedi della Marmolada prima di lei e allora mi ha spedito “Il paziente inglese” così che respiri un po’ di questa aria buona e fresca.

L’ho letto, mi è piaciuto (devo dire che non l’avrei mai preso perché pensavo fosse solo una storia d’amore) ed ho pensato di lasciarlo da qualche parte in questa bella valle, come voleva Solimano. 

Magari trovo un nuovo corsaro. Ed ho pensato che non c’era posto migliore del corso di Ladino, dove ci sono tanti giovani che sicuramente conoscono Internet. Così il libro è arrivato sulle scale del Comprensorio.

 
E per chi non sa l’inglese c’è una pagina Internet www.rinaldiweb.it/eurobc/it in italiano con tutte le spiegazioni.

A me questa iniziativa è piaciuta perché ho conosciuto persone nuove da tutta Italia. Ho ricominciato a leggere dopo molto che non lo facevo più. Non c’è niente da pagare, non è come una setta religiosa, è solamente una cosa che si fa per passione, per amore dei libri.

E poi quando vuoi liberare un libro è emozionante perché pensi dove lasciarlo. Può essere un posto normale, o un posto dove vai spesso, che ti piace, o che ha a che fare col libro. 

Ci sono anche dei posti in Italia, dei bar, un panificio, una parrucchiera, qualche biblioteca, una galleria di fotografie, che mettono a disposizione uno scaffale apposta per chi vuole lasciare i libri: sono le Official Bookcrossing zone.

Ah, mi dimenticavo! Ho fatto sapere nel forum che stavo preparando questo scritto sul Bookcrossing in fassano e mi è stato proposto, se viene una cosa fatta bene e simpatica, che lo mettono su Internet!!!

Un caloroso ringraziamento a tutti.

Vivèna1975